Roedd Bwrdd Partneriaeth Rhanbarthol Caerdydd a’r Fro wrth ei fodd o weld digwyddiad mor llwyddiannus ac wedi’i fynychu’n dda yn cael ei gynnal ym Mro Morgannwg, gyda’r ffocws ar gydnabod a chefnogi gofalwyr di-dâl. Mae digwyddiadau fel hyn yn hollbwysig i godi ymwybyddiaeth, helpu unigolion i gael mynediad at y wybodaeth a’r gefnogaeth sydd eu hangen arnynt, ac yn bwysicaf oll, galluogi pobl i adnabod eu hunain fel gofalwyr di-dâl—llawer ohonynt am y tro cyntaf. Drwy’r sgyrsiau ystyrlon hyn y gallwn ddechrau dymchwel rhwystrau a chysylltu pobl â’r gwasanaethau a’r cyngor all wneud gwir wahaniaeth yn eu bywydau.
Diolch i CF61 am ddarparu lleoliad croesawgar a hygyrch, ac i Dîm Gofalwyr Bro Morgannwg am eu hymroddiad parhaus i’r gwaith hwn. Mae’n wych gweld cymaint o bartneriaid yn cymryd rhan, gan gynnwys TuVida, Ffederasiwn Rhieni Caerdydd a’r Fro, Adferiad, Dewis Cymru, Cyfreithwyr New Law, Cyngor ar Bopeth, a Warm Wales. Mae eich cydweithrediad ac ymrwymiad i gefnogi gofalwyr di-dâl yn ein rhanbarth yn union yr hyn rydyn ni’n ceisio’i hyrwyddo drwy’r BPRh. Gyda’n gilydd, gallwn barhau i adeiladu system fwy cynhwysol a chefnogol i ofalwyr ar draws Caerdydd a’r Fro.