Nod y grant Gwella Mynediad at Fwyd yw helpu cymunedau i fynd i’r afael ag ansicrwydd bwyd trwy gefnogi prosiectau sy’n gwella mynediad at fwyd iach, maethlon. Gall y prosiectau hyn gynnwys sefydlu bwtrïoedd cymunedol, archfarchnadoedd cymdeithasol, neu fanciau bwyd/pantrïoedd, yn ogystal â darparu addysg bwyd a sgiliau coginio. Gall cyllid hefyd fod ar gael ar gyfer gerddi cymunedol, rhandiroedd a mentrau sy’n mynd i’r afael ag ynysu cymdeithasol trwy brydau bwyd a rennir.
Mae grantiau Mannau Cynnes yn gyfleoedd ariannu sydd wedi’u cynllunio i gefnogi sefydliadau i ddarparu mannau cymunedol cynnes a chroesawgar am ddim, yn enwedig yn ystod y misoedd oerach ac mewn ymateb i’r argyfwng costau byw. Mae’r grantiau hyn yn helpu grwpiau i gynnig lle diogel i bobl ymgynnull, cymdeithasu a chael mynediad at wasanaethau cymorth, gan leihau ynysu cymdeithasol a mynd i’r afael â phryderon cymunedol.
Maint y Cyllid:
- Mannau Cynnes – Gall sefydliadau wneud cais am hyd at £2000 o refeniw
- Grant bwyd – Gall sefydliadau wneud cais am uchafswm o £2500 o Refeniw a £5000 o Gyfalaf
Mae’r holl gyllid i’w wario erbyn diwedd mis Mawrth 2026 gyda dyddiad cau ar gyfer ceisiadau o 5 Medi 2025.