Ar 29 Gorffennaf 2025, agorodd Ysgol Uwchradd Gymunedol Gorllewin Caerdydd ei drysau i gynnal Digwyddiad Bywydau Iach bywiog, diwrnod cymunedol am ddim llawn gwiriadau iechyd, cyngor llesiant a hwyl i’r teulu cyfan. Mwynhaodd trigolion ystod eang o weithgareddau, o wiriadau pwysedd gwaed a chyngor maeth i gymorth iechyd meddwl ac imiwneiddiadau, ynghyd â hwyl i blant gan gynnwys siapio balŵns, castell neidio a sioe hud.
Daeth yr achlysur â rhwydwaith cryf o bartneriaid ynghyd, gan gynnwys Tîm Deieteg Iechyd Cyhoeddus Bwrdd Iechyd Prifysgol Caerdydd a’r Fro, y Coleg Adfer a Llesiant, Sefydliad Cymunedol Clwb Pêl-droed Dinas Caerdydd, Age Connects Caerdydd a’r Fro, Ara Recovery 4 All, BAWSO, Bowel Cancer UK, a llawer mwy.
Mae’r dull cydweithredol hwn yn adlewyrchu ymrwymiad Bwrdd Partneriaeth Rhanbarthol Caerdydd a’r Fro i weithio ar draws iechyd, gofal cymdeithasol a sefydliadau cymunedol i wella llesiant i bawb. Drwy gynnig gwasanaethau mewn lleoliad lleol a hygyrch, helpodd y digwyddiad i gysylltu pobl â’r cymorth cywir ar yr amser cywir—gan leihau rhwystrau, mynd i’r afael ag anghydraddoldebau iechyd a chryfhau cysylltiadau cymunedol.