Mae’r Bwrdd Partneriaeth Rhanbarthol (BPRh) a’r Grŵp Arweinyddiaeth Uwch (GAU) wedi cwrdd yn ddiweddar i adolygu cynnydd, mynd i’r afael â heriau’r system a chynllunio’r camau nesaf wrth ddarparu gofal iechyd a gofal cymdeithasol integredig ledled y rhanbart
Bwrdd Partneriaeth Rhanbarthol – 10 Mehefin 2025
Yn ystod cyfarfod Mehefin, adolygodd y Bwrdd ddatblygiadau ar draws prif feysydd gwaith:
Adroddiad Blynyddol 2024–25
Ystyriodd y Bwrdd y Ddrafft Adroddiad Blynyddol, sy’n nodi’r hyn a gyflawnwyd mewn perthynas â’r blaenoriaethau Sêr y Gogledd a’r cynlluniau cyflawni. Pwysleisiodd aelodau bwysigrwydd dangos effaith drwy ganlyniadau a phrofiadau byw, a chyflwyno naratif clir ar gyfer rhanddeiliaid a’r cyhoedd.
Myfyrdodau ar y Gynhadledd
Myfyrodd aelodau’r Bwrdd ar lwyddiant cynhadledd “Cryfach Gyda’n Gilydd” 2025, gan nodi’r ymgysylltiad cryf mewn gweithdai a’r farchnad bartneriaethol. Amlygodd yr adborth werth sesiynau cyd-gynhyrchiedig, hwyluso cynhwysol a lle i drafod yn ystyrlon.
Rhaglen @Home a Lleoliadau
Mae’r model Safe@Home bellach wedi symud i’r cam cyflawni, gyda chefnogaeth gan bartneriaethau lleol cryfach. Trafododd y Bwrdd sut mae tai, seilwaith digidol a chynllunio’r gweithlu’n galluogi darparu mwy o ofal yn nes at adref.
Tai a Seilwaith Cymunedol
Mae cynnydd yn parhau ar gynlluniau a ariennir gan gyfalaf, gan gynnwys modelau tai integredig a datblygiadau gofal ychwanegol, i gefnogi pobl hŷn ac oedolion ag anghenion cymhleth.
Ymdrin â Diabetes Math 2 – Dadansoddiad Manwl
Derbyniodd y Bwrdd ddiweddariad penodol ar gynnydd y rhanbarth o ran mynd i’r afael â diabetes math 2 fel blaenoriaeth Sêr y Gogledd. Nododd aelodau effaith gadarnhaol y Rhaglen Atal Diabetes Cymru Gyfan a chroesawyd argymhellion y cynllun gwerthuso a gwelliant a gyhoeddwyd yn ddiweddar.
Niwroamrywiaeth
Yn dilyn diddordeb cryf yng Nghynhadledd Flynyddol y Bwrdd, cynhelir sesiwn fanwl ym mis Medi i yrru strategaeth ar y cyd ymlaen ar niwroamrywiaeth. Cytunodd aelodau i barhau i gynnwys pobl â phrofiad byw wrth lunio’r camau nesaf.
Gofalwyr Di-dâl a Seibiannau Byr
Croesawodd y Bwrdd ddiweddariadau ar fuddsoddiad diweddar yn y Cynllun Seibiannau Byr a thrafododd gyfleoedd i wreiddio llais gofalwyr yn y gwaith cynllunio a darparu gwasanaethau yn y dyfodol.
Grŵp Arweinyddiaeth Uwch – 9 Mai 2025
Cyfarfu’r GAU i fyfyrio ar gyflawni gweithredol a chysoni’r system. Ymhlith y meysydd allweddol yr oedd:
Cynnydd y Cynllun Cyflawni
Rhannodd arweinwyr ddiweddariadau ar draws yr holl raglenni, gydag enghreifftiau o arfer da mewn Gofal yn Seiliedig ar Le a Cychwyn Bywyd yn Dda. Fodd bynnag, mae pwysau capasiti a’r gweithlu’n parhau i fod yn fater trawsbynciol.
Y Gweithlu a Datblygu Sefydliadol
Archwiliodd aelodau sut i alinio gweithgarwch datblygu ar draws asiantaethau yn well, gan gynnwys hyfforddiant ar y cyd, datblygu arweinyddiaeth systemau ac ymarfer gwybodus o ran trawma.
Mesur Gwelliant ac Effaith
Cytunodd y grŵp i gryfhau sut mae data, canlyniadau a phrofiad byw yn cael eu defnyddio ar draws rhaglenni ac adroddiadau, gan gydnabod yr angen i ddal yr hyn sy’n bwysig i bobl, nid dim ond i systemau.
Cyllid a Llywodraethu
Cafwyd diweddariad ariannol, gan gynnwys cadarnhad o amserlenni adrodd ar gyfer 2025–26. Adolygodd aelodau drefniadau llywodraethu a llwybrau esgyn i sicrhau eglurder a chyfrifoldeb parhaus.
Mae’r cyfarfodydd hyn yn adlewyrchu cryfder gwaith partneriaeth ar draws Caerdydd a’r Fro, a’r ffocws parhaus ar ddarparu gofal person-ganolog, yn seiliedig ar le, sy’n diwallu anghenion pobl leol.