Pobl ag anableddau dysgu
Ein gweledigaeth ar gyfer Caerdydd a’r Fro – Hyrwyddo annibyniaeth a gwella bywydau
Rydym am i bob person ag anabledd dysgu fyw mor annibynnol â phosibl yn eu cymuned leol.
Rydym yn gweithio gyda’r bobl a’r sefydliadau sy’n darparu gwasanaethau i bobl ag anabledd dysgu, boed hyn ym maes iechyd, awdurdodau lleol, y trydydd sector neu gymunedau, i archwilio lle gall cydweithio helpu i wella profiadau pobl, diwallu anghenion yn well a gwella ansawdd bywyd.
Rydym am i bobl allu byw’r bywydau maen nhw eisiau eu harwain; byw’n lleol lle maen nhw’n “teimlo’n dda ac yn iach”, lle maen nhw’n teimlo eu bod nhw’n cael eu gwerthfawrogi a’u cynnwys yn eu cymunedau a bod ganddyn nhw fynediad cyfartal at gefnogaeth briodol sy’n sicrhau annibyniaeth, dewis a rheolaeth.
Mae’n bwysig iawn ein bod ni’n gweithio gyda phobl ag anabledd dysgu, eu teuluoedd, a’u gofalwyr i wneud yn siŵr bod unrhyw newidiadau’n cael eu llywio gan brofiadau go iawn a phrofiadau bywyd pobl.
Cynllun Cyflawni
Mae gennym gynllun cyflawni ar gyfer pob blwyddyn sy’n nodi’r hyn yr ydym am ei gyflawni, ein blaenoriaethau ar gyfer eleni yw:
- Deall y boblogaeth leol o bobl ag anabledd dysgu yn well fel y gallwn sicrhau bod y gwasanaethau cywir ar gael
- Gweithio’n well gyda phobl i wneud yn siŵr bod eu profiadau bywyd yn llywio’r hyn sy’n digwydd, er enghraifft drwy gefnogi rhwydwaith ymgysylltu newydd o’r enw Shine Together
- Gwella’r model gofal iechyd i bobl yn ein rhanbarth
- Helpu i atal pethau rhag gwaethygu, er enghraifft drwy ei gwneud hi’n haws i bawb ag anabledd dysgu gael archwiliad iechyd blynyddol gan eu meddyg teulu
- Gwneud yr adeiladau a’r lleoedd sy’n darparu gwasanaethau yn well
- Helpu i wneud y newid o blentyndod i fod yn oedolyn yn haws, cyfnod o’r enw pontio
Dolenni Defnyddiol
Ein Prif Flaenoriaethau
DECHRAU’N DDA
STARTING WELL
Rydym am i bob plentyn yng Nghaerdydd a’r Fro gael y cyfle i ffynnu. Mae ein gwaith yn canolbwyntio ar blant mewn sefyllfaoedd bregus a’r gwasanaethau sy’n eu cefnogi.
HENEIDDIO’N DDA
AGEING WELL
Rydym yn gwybod pa mor anodd y gall fod i ddod o hyd i help pan fydd pobl ei angen fwyaf. Rydym am sicrhau bod cymorth cymunedol ar gael i helpu pobl i aros mor iach â phosibl fel y gallant barhau i wneud y pethau sydd bwysicaf iddynt.
BYW’N DDA
LIVING WELL
Fel partneriaeth rydym wedi gweithio gyda phobl ag anableddau dysgu, eu teuluoedd, gofalwyr a’r trydydd sector a’r sector annibynnol i sicrhau cyfeiriad clir ar gyfer cynllunio a chyflawni gwasanaethau i oedolion ag anableddau dysgu ar draws y rhanbarth dros y pum mlynedd nesaf.