Sicrhau bod gan Gaerdydd
a’r Fro wasanaethau sy’n gweddu i
anghenion pobl nawr ac i’r dyfodol
Rydym yn cefnogi ein partneriaid i gomisiynu gwasanaethau a rennir yn seiliedig ar yr anghenion a nodwyd yn yr Asesiad Anghenion y Boblogaeth (dolen).
Rydym yn asesu a yw’r gwasanaethau presennol yn diwallu’r anghenion a nodir ac yn tynnu sylw at ba wasanaethau sydd mewn perygl yn Adroddiad Sefydlogrwydd y Farchnad (dolen).
Rydym yn cefnogi partneriaid i gydweithio i gomisiynu gwasanaethau sy’n gallu darparu gofal sy’n canolbwyntio ar yr unigolyn drwy rannu cyfrifoldeb am ofal pobl.
- Nodi pa wasanaethau sydd eu hangen.
- Llunio/cefnogi’r farchnad i ddiwallu anghenion pobl.
- Adolygu ac ailadrodd y camau hyn
Comisiynu ar y Cyd a Chronfeydd Cyfunol
Er mwyn sicrhau bod pobl yn cael gwasanaethau di-dor, mae gwasanaethau iechyd a gofal cymdeithasol yn cydweithio fwyfwy i gomisiynu gwasanaethau. Mae hyn yn cynnwys cyfuno eu cyllidebau i sicrhau nad yw hyn yn rhwystr i ddarparu gofal integredig. Mae’r BPRh yn gweithio gyda’r Bwrdd Comisiynu Cenedlaethol i helpu i gefnogi partneriaid i wneud hyn.
Mae rheoliadau ar waith sy’n ei gwneud yn ofynnol sefydlu cronfeydd cyfun mewn perthynas â:
- Arfer swyddogaethau cymorth teulu
- Swyddogaethau a fydd yn cael eu harfer ar y cyd o ganlyniad i’r Asesiad Poblogaeth a gynhelir o dan adran 14 o’r Ddeddf, neu unrhyw gynllun a baratowyd o dan adran 14a;
- Arfer swyddogaethau llety gofal cartref.
I gael rhagor o wybodaeth am y gofynion, darllenwch Rhan 9 Canllawiau Statudol (Trefniadau Partneriaeth).
Cost gofal a
gosod ffioedd
Rydym wedi gweithio gyda Chyngor Caerdydd, Cyngor Bro Morgannwg, Bwrdd Iechyd Prifysgol Caerdydd a’r Fro a darparwyr gwasanaethau gofal a chymorth preifat i ddeall faint mae’n ei gostio i ddarparu gofal yng nghartrefi a chartrefi gofal pobl eu hunain. Bydd y rhaglen waith hon yn helpu i sicrhau bod gwasanaethau gofal yn cael eu hariannu ar lefel gynaliadwy ac yn sicrhau eu hyfywedd hirdymor.
Ein Prif Flaenoriaethau
DECHRAU’N DDA
STARTING WELL
Rydym am i bob plentyn yng Nghaerdydd a’r Fro gael y cyfle i ffynnu. Mae ein gwaith yn canolbwyntio ar blant mewn sefyllfaoedd bregus a’r gwasanaethau sy’n eu cefnogi.
HENEIDDIO’N DDA
AGEING WELL
Rydym yn gwybod pa mor anodd y gall fod i ddod o hyd i help pan fydd pobl ei angen fwyaf. Rydym am sicrhau bod cymorth cymunedol ar gael i helpu pobl i aros mor iach â phosibl fel y gallant barhau i wneud y pethau sydd bwysicaf iddynt.
BYW’N DDA
LIVING WELL
Fel partneriaeth rydym wedi gweithio gyda phobl ag anableddau dysgu, eu teuluoedd, gofalwyr a’r trydydd sector a’r sector annibynnol i sicrhau cyfeiriad clir ar gyfer cynllunio a chyflawni gwasanaethau i oedolion ag anableddau dysgu ar draws y rhanbarth dros y pum mlynedd nesaf.