Gwasanaeth Byw’n Annibynnol Caerdydd 

Rhoddodd y cyllid y CGC loriau, goleuadau a dodrefn newydd i’r ward a’r ardaloedd dydd. Creodd lolfa gyda chaffi, ystafell deledu fawr ac ystafell brydferthwch. Mae ardaloedd awyr agored fel y tri chwrt, yr ardd a’r tŷ haf wedi cael bywyd newydd.  Mae llwybrau newydd sy’n addas i gadeiriau olwyn yn arwain at fannau i gleifion gymryd rhan mewn gweithgareddau therapiwtig mewn amgylchedd diogel y tu allan.  Y gobaith yw y bydd grŵp garddio newydd yn cael ei sefydlu yn y lle hwn. 

Gall Dementia Cynnar effeithio ar bobl yn llawer iau na 65 oed, ac mae’r grant wedi golygu gwell defnydd o le, gan greu amgylchedd mwy diogel sy’n arwain at fwy o symudedd a gwell iechyd corfforol.  Mae cleifion y gwasanaeth hwn yn aml yn fwy egnïol yn gorfforol a gallant bellach gymryd rhan mewn gweithgareddau grŵp a dod o hyd i fannau ar gyfer myfyrio tawel neu fwynhau cerddoriaeth.  Mae’r gallu i symud yn rhydd o amgylch yr uned yn lleihau’r angen am reoli argyfwng a chymorth costus penodol i unigolion penodol.  

Gall gofalwyr ddefnyddio’r ardal encilio i dreulio amser gyda’u hanwyliaid, cael cyngor a chymorth proffesiynol, a mynychu grwpiau gofalwyr i gefnogi ei gilydd a rhannu eu profiadau.